Alman nevroloqlarından Bayden üçün DİAQNOZ: “Başında problem yoxdur”

Alman nevrologiyasının korifeyləri 81 yaşlı ABŞ prezidenti Co Baydenin səhhəti ilə bağlı fikirlərini bölüşüblər.

Lent.az bildirir ki, “BILD”in yazdığına görə, Şimali Reyn-Vestfaliya Nevroloqlar Assosiasiyasının rəhbəri, tibb elmləri doktoru, professor Qereon Nelles Baydenin sağlamlıq problemlərinin 80 yaşlı bir insanın "adi məhdudiyyətlər səviyyəsindən kənara çıxdığını" qeyd edib.

"Televiziya ekranı vasitəsilə uzaqdan diaqnoz qoyulmasının bütün çatışmazlıqları ilə, mən Baydendə müəyyən bir hipomimi, yəni getdikcə daha sərt üz ifadələrini qeyd etdim - hipofonik bir səs də var - rəsm, çaşqın və eyni zamanda səsin xırıltılı və kobud tembri”, - professor deyib.

Nelles Parkinson xəstəliyinin bu əlamətlərin səbəbi ola biləcəyini irəli sürüb. O hesab edir ki, Amerika prezidentinin fiziki məhdudiyyətlərini istisna etmək olmaz, lakin o, psixi cəhətdən sağlamdır.

Mütəxəssislərdən biri vurğulayıb ki, Amerika prezidentinin başında hər şey yaxşıdır.

Öz növbəsində, Essen universiteti xəstəxanasının nevrologiya şöbəsinin müdiri, professor Kristof Klyaynşnits qeyd edib ki, “əlamətlər Parkinson xəstəliyi qrupundan olan neyrodegenerativ xəstəliyi göstərir”. Mütəxəssis Baydenin donmuş üz ifadələrinə, yerişinin pozulmasına, sakit səsinə və konsentrasiyanın dəyişməsinə diqqət çəkib.