"Ailəmi yox, Vətəni seçəcəyəm dedi və..." - Ocaq Əmanəti
02 dekabr 2021 17:03 (UTC +04:00)

"Ailəmi yox, Vətəni seçəcəyəm dedi və..." - Ocaq Əmanəti

“Teymur üçün torpaq həm qeyrət, həm namus idi. Dedi, ana, məni seçim qarşısında qoymayın, onsuz da Vətəni seçəcəyəm və Vətəni də seçdi”.

Lent.az xəbər verir ki, bu sözləri APA TV-nin “Ocaq Əmanəti” verilişində şəhid leytenant Teymur Abbasovun anası Başxanım Abbasova deyib.

O deyir ki, mənə ana sözünü deyən ilk övlad, ananın şirinliyini daddıran övladdır: “Mənim evimə ilk diplom gətirən, ilk nəvə sevincini yaşadan övladdır və axırda mənim evimə şəhidlik gətirən, mənə şəhid anası adını verən övladdır”.

Vətən müharibəsində şəhid olan Teymur Abbasov sözün əsl mənasında igiddir. Qəhrəmanımız 25 fevral 1981-ci ildə Bakı şəhərində ziyalı ailəsində dünyaya gəlib. Ailənin böyük övladı olan Teymurun özündən başqa iki qardaşı, bir bacısı var.

Teymuru şəhidliyə aparan yol Vətən sevgisindən gəlib keçib. Erkən yaşda dünyasını dəyişən atası - Feruz Abbasov millətinə nə qədər bağlı olubsa, Teymur da o qədər torpağına heyran olub...

Şəhidin oğlu Feyruz Abbaslı deyir ki, atam mənim qəhrəmanım idi: “Atam bizi əsl kişi kimi böyütmək istəyirdi və elə edirdi”. 

Teymur Abbasov balaca oğlu Siruzu isə “atam balası” deyə çağırıb. Deyir ki ataları ikisini də eyni qədər istəyib.

Son görüşlərindən danışan şəhidin yoldaşı deyir ki, ürəyimdə qaldı, mən onu doyunca qucaqlayıb bağrıma basa bilmədim.

Teymurun 2 gün doğmaları ilə əlaqə saxlamamağı onlarda bir təşviş, narahatlıq yaradıb. Sonda Mənzil İstismar Sahəsinin əməkdaşlarının Teymurun yaşadığı mənzilə baş çəkməkləri ailədə bir şübhə yaradıb. Elə bu şübhədən sonra da həqiqətlər ortaya çıxıb.

Şəhidin qardaşı Tural Abbaslı şəhid xəbərini necə eşitdiklərini deyir: “Zəng gəldi ki,  hərbi çağırış idarəsinə gedin, təqribi bildik ki, şəhid olub”.

Həyətə girəndə oğlu əmisindən soruşub ki, ata bir də müharibəyə gedəcək, o da deyib ki, yox. Bu sözlə oğlu anlayıb artıq atası şəhiddir...

Teymur Abbasov şəhid olsa da, özündən geriyə 2 oğul əmanət qoyub. Anasına, nənəsinə, əmilərinə ən böyük təsəlli də elə onların varlığıdır. Bu ailənin nəşəsi sayılan, gələcəyin iki əsgəri, ağıllı övladlar əminik ki, atalarına layiq övlad olacaqlar.

Şəhidin həyat və döyüş yolu haqqında məlumatı “Ocaq Əmanəti” verilişinin tam versiyasını izləyərək öyrənə bilərsiniz.

# 4206
avatar

Oxşar yazılar

19 ilə böyük həyat sığdıran şəhidin ürək dağlayan HEKAYƏSİ

19 ilə böyük həyat sığdıran şəhidin ürək dağlayan HEKAYƏSİ

14 noyabr 2022 , 20:15
“Gördüm yağışın altında məni gözləyir” – Şəhid mayorun yoldaşı danışır...

“Gördüm yağışın altında məni gözləyir” – Şəhid mayorun yoldaşı danışır...

27 oktyabr 2022 , 15:36
“74 gündən sonra yuxuma girib dedi, Gəncədə dənizin dibindəyəm” – ŞƏHİD ƏMANƏTİ

“74 gündən sonra yuxuma girib dedi, Gəncədə dənizin dibindəyəm” – ŞƏHİD ƏMANƏTİ

26 oktyabr 2022 , 20:15
“Uşaqlarım tabutu görəndə soruşdular, qutudakı bizim atamızdı?” – ŞƏHİD ƏMANƏTİ

“Uşaqlarım tabutu görəndə soruşdular, qutudakı bizim atamızdı?” – ŞƏHİD ƏMANƏTİ

13 oktyabr 2022 , 20:15
"Ona de bizi tez qovuşdursun"  - Bu günə toyu salınan şəhidin nişanlısından təsirli sözlər

"Ona de bizi tez qovuşdursun" - Bu günə toyu salınan şəhidin nişanlısından təsirli sözlər

11 oktyabr 2022 , 11:38
“Bizə hamı Leyli və Məcnun deyirdi” - Sentyabr şəhidinin HƏYAT HEKAYƏTİ

“Bizə hamı Leyli və Məcnun deyirdi” - Sentyabr şəhidinin HƏYAT HEKAYƏTİ

30 sentyabr 2022 , 20:15
“Həmişə də deyirdi ki, oğlum olsa, pilot kimi yetişdirəcəm...” - ŞƏHİD ƏMANƏTİ

“Həmişə də deyirdi ki, oğlum olsa, pilot kimi yetişdirəcəm...” - ŞƏHİD ƏMANƏTİ

15 sentyabr 2022 , 20:15
Qardaşının itkin düşdüyü yerdə minaya düşən çavuşun HƏYAT HEKAYƏTİ

Qardaşının itkin düşdüyü yerdə minaya düşən çavuşun HƏYAT HEKAYƏTİ

24 avqust 2022 , 18:21