İmpotensiyanın qarşısını almağın yolları

İsveçin Karolinska İnstitutunun alimləri müəyyən ediblər ki, müntəzəm ereksiya erektil funksiyanın uzun müddət saxlanılması üçün vacibdir.

Lent.az xəbər verir ki, bu barədə “Science” jurnalında məlumat yayılıb

Tədqiqatçılar müəyyən ediblər ki, ereksiya tezliyinin artması ereksiyanı təmin edən fibroblastların sayının artmasına gətirib çıxarır.

Fibroblastlar siçanlarda və insanlarda kişi reproduktiv orqanlarında ən çox yayılmış hüceyrələr olan birləşdirici toxuma hüceyrələridir.

Siçanlar üzərində aparılan təcrübələr göstərdi ki, fibroblastlar qan damarlarının genişlənməsinə səbəb olan nerotransmitter norepinefrin qəbul edərək ereksiyaya vasitəçilik edir. Bu prosesin nə dərəcədə effektiv olması fibroblastların sayından asılıdır.

Yaşlı siçanların penisində daha az fibroblast var idi ki, bu da qan axınının azalmasında əks olundu.

İnsanlarda ereksiyaya nail olmaq qabiliyyəti də yaşla azalır, bu da qismən fibroblastların sayının azalması ilə əlaqədar ola bilər. Buna görə də, tədqiqatçılar hesab edirlər ki, ereksiya əldə etmək qabiliyyəti impotensiyaya qarşı mübarizə aparmaq üçün ola bilər.