Asan hazırlanan, yumşaq, doyumlu, evdə olan ərzaqlarla axşam yeməyinə hazırlaya biləcəyiniz – “Kartof kotleti”. Bu yeməyi uşaqlarınızın da sevəcəyinə əminik.
Lent.az “kartof kotleti”nin hazırlanma qaydasını təqdim edir:
Bu yeməyi hazırlamaq üçün bizə lazım olan ərzaqlar:
2 xörək qaçığı zeytun yağı
1 ədəd soğan
250 qram qiymə ət
1 ədəd yerkökü
Duz
Qara istiot
Cəfəri
Kartof püresi üçün
1 kiloqram bişmiş kartof
1 ədəd yumurta
1 çay qaşığı duz
1 stəkan un
Üstü üçün
Yumurta
Çörək suxarisi
Birinci içliyi hazırlayaq. Soğanı xırda-xırda doğrayırıq. Doğradıqdan sonra yağda biraz qarışdırırıq. Sonra buraya qiymə əti əlavə ediririk. Ətin rəngi dəyişdikdən sonra rəndədən keçirilmiş yerkökünü buraya əlavə edib bişirməyə davam edirik. Ən sonda duzu, istiotu və doğranmış cəfərini əlavə edib qarışdırırıq. Sobanı söndürürük.
Bişmiş kartoflarımızı püre halına gətiririk. Sonra buraya duzu, yumurtanı və unu əlavə edib yaxşıca qarışdırırıq. Hazır olan püremizdən kotletlər hazırlamaq üçün sizi yeni bir üsulla tanış etmək istəyirik. Strec plyonkadan biraz kəsirik. Buraya bir qaşıq püremizdən əlavə edirik. Yapışmaması üçün biraz un əlavə edə bilərsiniz. Əlinizlə üstündən sıxaraq dairə formasında açın. Bu dairənin ortasına hazırladığımız içlikdən bir miqdar qoyun. Daha sonra strec plyonkanın hər tərəfini qaldırın və birləşdirin. Püremizi top halına salın. Sonra strec plyonkanı açıb hazırladığınız topun ehtiyatla ortasından basaraq onu kotlet formasına salırıq.
Hazırladığımız kotletləri birinci yumurtaya sonra isə çörək suxarisinə batırıb yağda qızardırırıq. Kotletleri ehtiyatla çevirməyi unutmayın. Yeməyimiz hazırdır.
Nuş olsun!
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
