Xalq artisti İlhamə Quliyeva bu gün səhər Fransaya yola düşüb. Müğənninin mətbuat katibi Faiq Ələkbərlinin Lent.az-a verdiyi məlumata görə, xalq artisti həmin ölkədə Dünya Azərbaycanlılarının Həmrəyliyi günü ilə bağlı tədbirdə iştirak edəcək.
İlhamə Quliyevanın Fransa səfəri 3 gün davam edəcək. Daha sonra xalq artisti Yeni ili qarşılamaq üçün dekabrın 31-də Parisdən Rusiyanın Moskva şəhərinə yollanacaq. Moskvada yaşayan həmyerlilərimizlə 2013-cü ili qarşılayacaq İlhamə Quliyeva qonşu ölkədə iki həftə qalacaq.
Mətbuat katibi bildirib ki, İlhamə xanım bu il yerli telekanalların Yeni il şənliyində iştirak etmək üçün ona edilən təkliflərindən imtina edib. O, yalnız "Space" kanalının Yeni il proqramına çəkilib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
