Görkəmli kinooperatoru Xan Babayevin 95 illiyi qeyd ediləcək

Martın 19-da Dövlət Film Fondunda Azərbaycanın görkəmli kinooperatoru Xan Babayevin 95 illik yubiley tədbiri keçiriləcək.

Fonddan APA-ya verilən məlumata görə, tədbir Mədəniyyət və Turizm Nazirliyi, Kinematoqrafçılar İttifaqı və Dövlət Film Fondunun təşkilati dəstəyi ilə keçiriləcək.

Yubiley mərasimində görkəmli sənətkara həsr edilmiş fotosərgi nümayiş etdiriləcək, operator kimi quruluş verdiyi “Böyük dayaq”, “Ögey ana”, “Yenilməz batalyon” və s. filmlərdən fraqmentlər göstəriləcək, sənət dostlarının xatirələri dinlənəcək.