Azərbaycanın xalq artisti Flora Kərimova Niderlanda səfərə hazırlaşır. Lent.az-ın məlumatına görə, sənətkarın səfərində məqsəd aprelin 13-də Niderland Krallığında “Beniluks” Azərbaycan Konqresinin yeni yaranmış iki təşkilatının təqdimetmə mərasimində iştirak etməkdir. Konqresdən verilən məlumata görə, hər iki təşkilatın (Brabant Əyaləti Azərbaycanlıların Məclisi və Şimali Hollandiya Azərbaycanlıların İttifaqı) təqdimetmə mərasiminə xüsusi hazırlıq gedir. Təqdimat mərasiminin rəsmi hissəsindən sonra xalq artisti Flora Kərimova ilə gənc müğənni R.Civişovun mərasim iştirakçıları qarşısında konserti baş tutacaq.
Qeyd edək ki, mərasimdə Azərbaycan və türk diasporunun üzvləri, diplomatlar, rəsmilər, mətbuat və yerli xalqın nümayəndələrinin iştirakı nəzərdə tutulur. Tədbir Niderland Krallığının Rotterdam şəhərində başlayacaq. Səfər “Beniluks” Azərbaycan Konqresinin prezidenti Sahil Qasımovun dəvəti ilə baş tutacaq.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
