Əbülfəs Qarayev  turizm sərgisində olub
07 noyabr 2013 12:17 (UTC +04:00)

Əbülfəs Qarayev  turizm sərgisində olub

Mədəniyyət və turizm naziri Əbülfəs Qarayev Londonda keçirilən “Dünya Səyahət Bazarı-2013” (World Travel Market-2013”) beynəlxalq turizm sərgisində iştirak edib. Bu barədə Lent.az-a  nazirlikdən məlumat verilib. Məlumata görə, sərgi çərçivəsində Birləşmiş Millətlərin Dünya Turizm Təşkilatına üzv ölkələrin nazirlərinin sammiti keçirilib.

Toplantıda əsasən dünya ölkələrində aviasiya və turizm siyasətləri arasında mövcud problemlər, həmçinin viza məsələləri müzakirə olunub. Nazir çıxışında Azərbaycanda qeyd olunan sahələrin inkişafından söz açaraq 2013-cü ildən etibarən dövlət tərəfindən turistlər üçün viza rejiminin sadələşdirildiyini qeyd edib.

Ə. Qarayev Dünya Turizm Təşkilatının baş katibi Taleb Rifai ilə, eləcə də Xorvatiya, Litva, Özbəkistan, İraq və Makedoniyanın turizm sahəsinə rəhbərlik edən nazirlərlə görüşüb. Söhbət zamanı gələcəkdə ölkəmizlə adıçəkilən ölkələr arasında turizm sahəsində əməkdaşlığın genişləndirilməsi müzakirə olunub.

 

Qeyd edək ki, sərgidə Azərbaycanı Mədəniyyət və Turizm Nazirliyi ilə yanaşı, 12 turizm şirkəti və 4 mehmanxana təmsil edir.

 

# 768
avatar

Ləman Mustafaqızı

Oxşar yazılar