Heydər Əliyev Fondunun prezidenti, Azərbaycanın birinci xanımı Mehriban Əliyevanın rəhbərliyi ilə baş tutacaq “Muğam aləmi” III Beynəlxalq Muğam Festivalında iştirak etmək məqsədilə, dünya şöhrətli rəqqas Joaquin Cortes Bakıya gələcək. Bu məlumatı Lent. az-a Heydər Əliyev Sarayının mətbuat xidməti verib.
Martın 18-də, Heydər Əliyev Sarayında Joaquin Cortes özünün yeni “DİSEN DE Mİ” adlı rəqs proqramını təqdim edəcək. Konsert saat 20:00-da başlayacaq.
Biletlər artıq satışdadır. Qiyməti isə 10 -30 manatdır.
Qeyd edək ki, “Muğam aləmi” III Beynəlxalq Muğam Festivalı martın 9-dan 19-a qədər davam edəcək. Festival çərçivəsində beynəlxalq elmi simpozium, muğam ifaçılarının müsabiqəsi və dünyanın tanınmış musiqiçilərinin konsertlərinin keçirilməsi nəzərdə tutulub. Festivalın təşkilatçıları Heydər Əliyev Fondu, Azərbaycan Mədəniyyət və Turizm Nazirliyi, Azərbaycan Bəstəkarlar İttifaqıdır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
