Mədəniyyət və turizm naziri Əbülfəs Qarayev Azərbaycan professional vokal sənətinin banisi, professor Bülbülün həyat yoldaşı, Prezident təqaüdçüsü Adelaida Məmmədovanı qəbul edib. Nazirliyin mətbuat xidmətindən Lent.az-a verilən xəbərə görə, görüş zamanı Ə.Qarayev 90 illik yubileyi münasibəti ilə A.Məmmədovanı təbrik edib, ona can sağlığı arzulayıb. Nazir mədəniyyət sahəsindəki uzunmüddətli səmərəli fəaliyyətini, habelə anadan olmasının 90 illiyini nəzərə alaraq, 2012-ci ilin dekabrında öz xahişi ilə Bülbülün memorial muzeyinin direktoru vəzifəsindən azad edilən Adelaida Məmmədovanı Mədəniyyət və Turizm Nazirliyinin Fəxri Fərmanı və pul mükafatı ilə təltif edib.
A.Məmmədova ona görtərilən diqqət və qayğıya, fəaliyyətinə verilən yüksək qiymətə və səmimi qəbula görə Əbülfəs Qarayevə minnətdarlığını bildirib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
