Bir neçə gün öncə səhhəti pisləşən xalq artisti, Azərbaycan Dövlət Dram Teatrının aktrisası Firəngiz Mütəllimova müalicəsini davam etdirir. Xalq artistinin bacısı Nərgiz Mütəllimovanın Lent.az-a verdiyi məlumata görə, Firəngiz Mütəllimovanın müalicəsində irəliləyiş olmasa, onu xaricə aparacaqlar. Nərgiz Mütəllimova bildirib ki, bacısının səhhətində əvvəlkinə nisbətən irəliləyiş olsa da, o, özünü yaxşı hiss etmir: “Hələ ki, müalicəni davam etdiririk. Amma səhhətində irəliləyiş olmasa, xaricə aparacağıq”.
Qeyd edək ki, ötən gün Firəngiz Mütəllimova Lent.az-a açıqlamasında ev şəraitində müalicə olunduğunu söyləmişdi: “Beyin damarlarımda tutulmalar olub. Bu, təzyiqimə güclü təsir edib. Ona görə də çox hərəkət edə bilmirəm”.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
