TRT 1 kanalının sevilən seriallarından olan "Zengin kız, fakir oğlan"ın bir bölümü növbəti
həftələrin birində Bakıda çəkiləcək. TRT-nin Bakı təmsilçisi Yüksəl Dəyərcanın Lent.az-a verdiyi məlumata görə, keçən həftə Azərbaycanın iki aktyoru - Sənubər İsgəndərli və Əzizağa Əzizov "Zengin kız, fakir oğlan"ın 36-cı seriyasına çəkiliblər. Y. Dəyərcan azərbaycanlı aktyorların oynadığı hissənin mayın 16-da, Bakı vaxtı ilə saat 21:50-də nümayiş etdiriləcəyini bildirib.
Serialı çəkən "MinT Prodüksiyon" şirkətindən "trtazerbaycan.com"a verilən
məlumatda isə bu addımın bir millət-iki dövlət olan Türkiyə və Azərbaycan
xalqları arasında körpüyə bir töhfə vermək məqsədi daşıdığı bildirilib. Bundan
əlavə, serialın bəzi hissələri də Azərbaycanda çəkiləcək. Bunun üçün "Zengin
kız, fakir oğlan"ın yaradıcı heyəti may ayında Azərbaycana səfər etməyi
planlaşdırır.
Xatırladaq ki, daha əvvəl TRT-nin məşhur "Avrupa Avrupa" serialının bir
hissəsi də Azərbaycanda çəkilmişdi.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
