Bu gün Amerika kino akademiyası 2013-cü ilin nəticələrinə görə növbəti “Oskar” mükafatçılarının siyahısını açıqlayacaq. Lent.az-ın “İtar-tass”a istinadən verdiyi məlumata görə, mərasim Los-Ancelesdə Samuel Qolduin teatrında keçiriləcək. Namizədlərin siyahısını akademiyanın prezidenti Şeril Bun Ayzeks və aktyor Kris Hemsvort elan edəcək.
Mükafatın əsas - “ən yaxşı film” nominasiyasına adətən beşdən ona qədər film layiq görülür. Kino tənqidçilərin proqnozuna əsasən, bu il siyahıya Stiv Makkuinin real hadisələr əsasında çəkdiyi “12 il qul kimi” filmi, baş rollarda Sandra Bullok və Corc Kluninin çəkildiyi Alfonso Kuaronun “Qravitasiya” filmi, Aleksandr Peynin ağ-qara janrda çəkdiyi “Nebraska” tragikomediyası və digər filmlər daxil olacaq. Rejissor Devid Rasselin artıq üç “Qızıl qlobus” qazanmış “Amerikasayağı fırıldaq” filmi də əsas namizədlər sırasındadır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
