Elçin Əfəndiyevin kitabı film olacaq
26 avqust 2009 12:00 (UTC +04:00)

Elçin Əfəndiyevin kitabı film olacaq

Baş nazirin müavini Elçin Əfəndiyevin savaş, səfalət və böyük eşqi tərənnüm edən “Mahmud və Məryəm” adlı kitabı Türkiyədə bədii rəhbər Sevda Kayqısız tərəfindən bəyaz pərdəyə gedəcək. Lent.az-ın Türkiyə mətbuatına istinadən məlumatına görə, film Türkiyədə fantastik türk filmi olma özəlliyinə sahib olacaq.

Çaldıran döyüşü dövründən bəhs edən “Mahmud və Məryəm” adlı kitab önümüzdəki il nümayişə çıxacaq. 1500-cü illərdə Çaldıran döyüşü dönəmində məhəbbəti uğrunda çöllərə düşən padşah oğlu Mahmudun bu səfər sırasında rastlaşdığı hadisələr, gördükləri filmoqrafiyada bütünləşərək bəyaz pərdəyə köçürüləcək. Film Qars, Azərbaycan və Ərzurumda çəkiləcək. Yanvar ayından hazırlıqlar başlanacaq.

Filmin sınaq çəkilişləri may ayında reallaşacaq. 2010-cu ilin dekabrında nümayiş olunması gözlənilən layihə beynəlxalq platformada yer alacaq.

E. Əfəndiyev artıq müqaviləni imzalayıb. Yazar açıqlamasında deyib: “Mahmud ilə Məryəm Türkiyə ilə Azərbaycanın birlikdə reallaşdıracağı gözəl bir film olacaq. Filmdə Azərbaycanlı və türk aktyorları oynayacaq. Belə bir əməkdaşlıq Azərbaycanda ilk olacaq”.

Sevda Kaygısız filmin beynəlxalq platformada səs gətirəcəyini və çəkilişlərin iki ay sürəcəyini bildirib: “Bu film bu vaxta qədər ölkəmizdə gerçəkləşəcək hər iki tərəfin nazirliklərinin dəstəklədiyi bir ilk olacaq. Hazırlıqlar indidən başlanıb”.

Lalə Yusifqızı
# 979

Oxşar yazılar