Dmitri Medvedyev həmyerlimizi mükafatlandırdı

Lent.az-ın məlumatına görə, bu medalla təltif olunanlar siyahısında həmyerlimizin də adı var.

Rusiya prezidentinin 4 noyabr tarixli 1340 saylı “Dövlət mükafatı ilə təltif olunması haqqında” fərmanı ilə Moskva şəhər Dövlət mədəniyyət müəssisəsi “Jar ptisa” Moskva kukla teatrının quruluşçu rejissoru Mərdan Feyzullayev II dərəcəli "Vətən qarşısında xidmətlərinə görə" medalıyla təltif olunub. Mənəvi tutumuna görə, medal Rusiya Federasiyası prezidentinin fəaliyyət proqramına böyük töhfə verən və çoxillik ədalətli işinə görə yüksək qiymətləndirilən şəxslərə təqdim olunur.

M.Feyzullayevə əməkdar artist fəxri adından da üstün olan bu mükafata Rusiya mədəniyyətinə verdiyi əmək və xidmətləri müqabilində layiq görülüb.

Onu da qeyd edək ki, Mərdan Feyzullayev həm də Moskvada paytaxtında fəaliyyət göstərən “Dərviş” teatrının yaradıcısı və baş rejissorudur. M.F.Axundovun “Sərgüzəşti vəziri xani Lənkəran” və Elçinin “Şekspir” əsərlərini rus dilində səhnəyə qoyub və hər iki tamaşa paytaxtda uğurla nümayiş etdirilib.

Tünzalə Vəliqızı, Moskva