“40-cı qapı” filmi Amerikadan 3-cü mükafatı Azərbaycana gətirdi

Dünyanın müxtəlif ölkələrinin qatıldığı bu festivalda Azərbaycan da iştirak edib. Ölkəmiz festivalda “Ritm production” kino şirkətinin istehsalı olan “40-cı qapı” filmi ilə təmsil olunub. Ssenari müəllifi və quruluşçu rejissoru Elçin Musaoğlu olan “40-cı qapı” filmi festivalın “Ən yaxşı ssenari” mükafatını qazanıb.
“Ritm production” kino şirkətinin direktoru, filmin prodüseri Xaqani Həşimovun Lent.az-a verdiyi məlumata görə, bu, filmin beynəlxalq kino festivallarda qazandığı sayca 11-ci mükafatdır. “40-cı qapı” Amerikada ümumilikdə 4 festivalda iştirak edib və üçündən mükafatla qayıdıb: “Fəxrlə deyə bilərəm ki, bu artıq 28-ci beynəlxalq film festivalıdır ki, ölkəmizin bayrağını dünya ölkələrinin bayraqları sırasında dalğalandırmaq bizə nəsib oldu. İnanıram ki, bu nailiyyətlərin sayını 40-a çatdıracağıq”.

Xəyalə