Vasif Adıgözəlovun yubileyi Musiqili Komediya Teatrında da qeyd olunacaq
22 oktyabr 2010 15:25 (UTC +04:00)

Vasif Adıgözəlovun yubileyi Musiqili Komediya Teatrında da qeyd olunacaq

Bu münasibətlə oktyabr ayının 30-da bəstəkarın Azərbaycan Dövlət Musiqili Komediya Teatrında tamaşaya qoyulan “Aldın payını, çağır dayını” (libretto müəllifi Anar) tamaşası nümayiş olunacaq. Teatrın mətbuat xidmətindən Lent.az-a verilən məlumata görə, tamaşada əsas rollarda xalq artisti Fatma Mahmudova, əməkdar artistlər Gülnar Salmanova, Ramiz Məmmədov və Əkbər Əlizadə, aktyorlardan Novruz Qartal, Nahidə Orucova, Gülçöhrə Abdullayeva, Nərgiz Kərimova, Fərid Əliyev və başqaları çıxış edəcək. Orkestrin dirijor pultu arxasında isə əməkdar artist Ziya Bağırov dayanacaq.


Həmin gün eyni zamanda, bəstəkarın həyat və yaradıcılığı barədə sənətşünaslıq namizədi, musiqişünas Ceyran Eminqızının tamaşa öncəsi çıxışı və Azərbaycan Musiqi Mədəniyyəti Dövlət Muzeyi tərəfindən hazırlanmış “Vasif Adıgözəlov - 75” sərgisinin nümayişi də planlaşdırılır.

Xəyalə
# 1091

Oxşar yazılar