Xalq artistimizin fransız və italyan mahnılarından ibarət albomu hazırlanıb

Müğənninin nəvəsi Emin Babayevin Lent.az-a verdiyi xəbərə görə, bu albomda onun fransız və italyan dillərində mahnıları yer alacaq: “60-cı illərdə babam Azərbaycan SSR Dövlət Televiziyası ilə bir çox ölkələrdə çıxış edib və o illərdə onun repertuarında çoxsaylı fransız və italyan mahnıları var idi. Həmin mahnıların demək olar ki, hamısının sözləri, not dəftərləri hal-hazırda bizim evdədir. Amma mahnıların özü Azərbaycan Dövlət Televiziyasının qızıl fondunda saxlanılır. Biz onun ailəsi olaraq, Dövlət Televiziyasının rəhbərliyinə müraciət etmişik və yaxın vaxtlarda bu mahnılar bizə təqdim olunmalıdı. Həmin mahnıları bərpa etdirəcəyik və bir albom şəklində Mirzə Babayev sevənlərin ixtiyarına verəcəyik.”

Müğənninin nəvəsi həmin mahnılarla bağlı bir neçə maraqlı faktı da qeyd edib: “60-cı illərdə babam Ağası Məşədibəyovun ansamblı ilə Minskə və Sankt-Peterburqa səfər etmişdi. Həmin səfərlər zamanı Fransanın əfsanəvi müğənniləri Jilber Beko və İv Montan onun ifasında bu mahnıları eşidərək, Mirzə Babayevi öz ölkələrinə dəvət etmişdilər. Ancaq babam Azərbaycanı sevdiyi üçün bu dəvətləri qəbul etməmişdi”.

Lalə Yusifqızı