Montanalı professorla Azərbaycanlı xanəndənin növbəti layihəsi

Bu görüşlərdə bir sıra tanınmış ictimai xadimlər də iştirak ediblər. Daha sonra Bakıdakı “Karvansara”da “Montanada muğam” filminin təqdimatı keçirilib və xarici qonaqların şərəfinə konsert proqramı təşkil edilib. Bu barədə Lent.az-a səfərdə iştirak edən xanəndə Qoçaq Əsgərov məlumat verib.

Səfəri zamanı T.Qoldzun Qoçaq Əsgərovla bir sıra əməkdaşlıq söhbətləri baş tutub. Xanəndənin bildirdiyinə görə, yaxın aylar üçün Tomas Qoldzun təşəbbüsü ilə daha bir filmin ekranlaşdırılması gözlənilir: “Belə nəzərdə tutulub ki, azərbaycanlı musiqiçilərin iştirakı və mənim solo ifamda Montanada daha bir neçə konsert proqramları təşkil edilsin və bunlar bir ekran işinə sığaraq, film şəklində təqdim edilsin”.

Montanalı jurnalistin azərbaycanlı musiqiçilərlə əməkdaşlığı bununla yekunlaşmır. Səfərindən məmnun qalan Tomas Qoldz yaxın gələcək üçün daha bir neçə möhtəşəm layihə düşünür ki, bunların təfərrüatı tezliklə açıqlanacaq”.

Onu da qeyd edək ki, Qoçaq Əsgərovun bundan başqa daha bir neçə xarici şirkətlərlə əməkdaşlığı nəzərdə tutulub. YUNESKO-nun eksperti, musiqişünas Sənubər Bağırovanın böyük dəstəyi ilə baş tutacaq əməkdaşlığa bir neçə layihələr daxil edilib.

Lalə Yusifqızı