“Savalan” qrupu məşq etməyə yer tapmır

Bur barədə Lent.az-a məlumat verən qrup üzvü Həlimət Sultan bildirib ki, məhz bu problemlə əlaqədar olaraq qrup fəaliyyətini istənilən şəkildə davam etdirə bilmir: “Keçən ilin avqustunda Amerikaya səfər etdik. Çikaqoda maraqlı çıxışımız oldu. O vaxtdan indiyə kimi yersiz qalmışıq. Əvvəllər Muğam Teatrında, Yuğ Teatrında məşq edirdik. Sağ olsun Vaqif İbrahimoğlu, deyir, “nə vaxt lazımdırsa, gəlin məşq edin”. Amma nə vaxta qədər başqa məkanlarda sığınacaq tapmalıyıq. 10 ildir, fəaliyyət göstəririk. Bu müddətdə tanınmışıq, sevilmişik, xaricə müxtəlif səfərlərimiz olub. Yersiz qalmışıq deyə, yaradıcılıqla da istədiyimiz kimi məşğul ola bilmirik. Hətta mən bəzən məşqsiz çıxış edirəm”.

Həlimət xanımın sözlərinə görə, bununla əlaqədar qrupun rəhbəri Novruz Novruzlu Mədəniyyət və Turizm Nazirliyinə müraciət etsə də, heç bir nəticəsi olmayıb. Qrup yenidən nazirliyə müraciət etmək niyyətidir.

H.Sultan qrup üzvlərinin heç birinin fəxri adı olmadığını da vurğulayıb.

Xəyalə Muradlı