Azərbaycanlı müəllimin böyük uğuru

İlhamə Ələkbərova 41 ölkənin 80-dən çox müəlliminin qatıldığı müsabiqədə növbət mərhələyə vəsiqə qazanıb

Bakıdakı 8 saylı orta məktəbinin müəllimi Microsoft korporasiyasının Berlində keçirdiyi Avropa İnnovativ Müəllimlər Müsabiqəsində uğurlu nailiyyət qazanıb. Məktəbin müəllimi İlhamə Əkbərova müsabiqənin yekunlarına görə, ilk “iyirmiliyə" daxil olub.

Təhsil Nazirliyindən Lent.az-a bildiriblər ki, İlhamə Əkbərova Azərbaycanı "Məzmunda innovasiyalar" nominasiyası üzrə "Çoxüzlülər bizim ətrafımızdadır" layihəsi ilə təmsil edib. Avropanın ən yaxşı 20 innovativ müəllimi sırasında azərbaycanlı müəllim bu ilin oktyabrında Keyptaun şəhərində (CAR) keçiriləcək Ümumdünya İnnovativ Müəllimlər Müsabiqəsində iştirak etmək hüququnu qazanıb.

Xatırladaq ki, həmin müsabiqəyə 41 ölkədən 80-dən çox müəllim qatılıb. İlhamə Əkbərova ölkəmizi Berlində Təhsil Nazirliyi və "Microsoft Azərbaycan" şirkəti tərəfindən həyata keçirilən, "Mədəd", "Ultra", "İntel", "HP" tərəfindən dəstəklənən Azərbaycan üzrə İnnovativ müəllimlər müsabiqəsinin qalibi kimi təmsil edib.

Elxan SALAHOV