“Kürdəmir çaxırı içən” aktyor intihar etdi - FOTO

Lent.az-ın məlumatına görə, artıq Moskva şəhər Səhiyyə Departamenti intihar faktını təsdiqləyib.

Məlumata görə, aktyor son zamanlar insult keçirmişdi və ürək ağrılarından şikayət edirdi. İnsultdan sonra Belyavskinin nitqi də tutulmuşdu.

Aleksandr Borisoviç Belyavski 1932 ildə anadan olub. Moskva Əlvan Metallar İnstitutunun geoloji kəşfiyyat fakültəsini, B. Şukin adına Teatr Məktəbini bitirib. Satira Teatrında, Stanislavski Teatrında çalışıb.

Belyavski 100-dən artıq filmdə çəkilib. Onlar arasında “İyul yağışı”, “Dörd tankçı və it”, “Taleyin istehzası və ya həmişə təmizlikdə!” filmləri var. Onun çəkildiyi ən məşhur filmlərdən biri isə Azərbaycanda da sevilən “Görüş yerini dəyişmək olmaz” filmidir. Belyavski həmin filmdə “Foks” obrazını canlandırır.

Yeri gəlmişkən, filmdə Foksun çantasından Azərbaycanı xatırladan bir əşya da tapılır. Bu, “Kürdəmir” çaxırı idi…

Səbuhi