“Vağzalı”ya film çəkilir

Azərbaycanın qədim musiqisi olan “Vağzalı” rəqsinə film çəkilir. Bu barədə Lent.az a filmin ssenari müəllifi və rejissoru, əməkdar incəsənət xadimi Arif Qaziyev məlumat verib. Onun sözlərinə görə, sözügedən filmin çəkilişlərini AzTelefilm həyata keçirəcək.

Rejissor bildirib ki, filmdə mahnının yaranma tarixi, Azərbaycana ilk dəmiryol xəttinin çəkilməsi, toylarda “Vağzalı”nın çalınması və digər faktlar yer alacaq. Çəkilişlər Bakıda aparılmaqla yanaşı, “Vağzalı” musiqisi ilə başlayan toy adətlərini lentə almaq üçün Naxçıvan, Şəki, Lənkəran və digər bölgələrində də reallaşacaq.

Muğam teatrının rəhbəri onu da bildirib ki, teatrda mövsümün açılışından sonra “Segah” muğamını tamaşaya qoyulacaq: “Bu, Azərbaycanda ilk hadisə olacaq. Maraqlı bir ssenari düşünmüşəm. Hələlik tamaşada kimlərin oynayacağı bəli deyil. Ancaq tanınmış, istedadlı xanəndələr yer alacaq. Tamaşada şah, vəzir, vəkil və digər obrazlar olacaq”.

Jalə