Beynəlxalq Kitabxana Konfransı keçirilir

Finlandiyanın paytaxtı Helsinki şəhərində 11-17 avqust tarixində "İFLA-2012" Beynəlxalq Kitabxana Konfransı keçirilir. Bu barədə Lent.az-a Mədəniyyət və Turizm Nazirliyindən mətbuat xidmətindən məlumat verilib.

Finlandiya Kitabxana Assosiasiyası, Helsinki şəhər Şurası, Finlandiya Təhsil və Mədəniyyət Nazirliyi, habelə Finlandiyanın bütün kitabxanaları tərəfindən dəstəklənən konfransda ölkəmizi mədəniyyət və turizm nazirinin birinci müavini Vaqif Əliyev təmsil edir. "Güclü kitabxanalar, güclü cəmiyyətlər: demokratikləşmə və biliklərə giriş kitabxanalardandır" devizi altında həyata keçirilən konfransın seminarlarında "Müasir digital kitabxanalar", "Biblioqrafiya müasir rəqəmləşən dövrdə", "Güclü kitabxana assosiasiyalarının qurulması", "Kitabxanalar: gənclər və uşaqlar üçün" və s. məsələlər müzakirə ediləcək.

Konfrans çərçivəsində kitabxana-informasiya sahəsində yeni know-how texnologiyalarının və yeni nəşrlərin sərgisi də nümayiş olunacaq.