Pandemiya törədən yeni virus insan tərəfindən yaradılacaq - İDDİA
25 yanvar 2023 06:21 (UTC +04:00)

Pandemiya törədən yeni virus insan tərəfindən yaradılacaq - İDDİA

“Microsoft”un qurucusu, milyarder Bill Qeyts yeni xəbərdarlığı ilə gündəmə gəlib. Onun sözlərinə görə, növbəti pandemiya “COVID-19”dan daha ağıq keçəcək və virus insan tərəfindən yaradılacaq.

APA xəbər verir ki, bu barədə Bill Qeyts Avstraliyadakı Lou İnstitutunda çıxışında bildirib.

Qeyts “COVID-19” pandemiyasının başlanğıcından bəri Avstraliyanın sərt karantin qaydalarına keçməsini təqdir edib və bir çox ölkələrin bu cür addımları atmamasının qurbanı olduqlarını söyləyib.

Milyarder növbəti pandemiyanın daha ağır keçəcəyini vurğulayıb, dünyanı gözləyən yeni təhlükə barədə xəbərdarlıq edib. “Növbəti virus təbii deyil, insan tərəfindən yaradılacaq” deyən “Microsoft”un qurucusu, sözügedən pandemiyanın dünya iqtisadiyyatına 10 trilyon dollar zərər vuracağını da açıqlayıb.

O bildirib ki, dünya liderləri növbəti virusa hazırlaşmalı və qabaqcadan plan qurmalıdırlar: “Dünyada hər 5 ildən bir pandemiya təlimləri keçirilməlidir. 1000 dollara həyat qurtara bilərsiniz. Bundan daha qənaətcil bir şey yoxdur”.

# 2952
avatar

Oxşar yazılar