Nəfəs almanın köməyi ilə məlumatı daha yaxşı YADDA SAXLAYIN

Yaponiyanın Hyoqo Tibb Universitetinin tədqiqatçıları tənəffüs nümunələrinin yaddaşın formalaşma qabiliyyətini artıra və ya azalda biləcəyini təsbit ediblər. Bu kəşf beyin pozğunluqları və psixi sağlamlıq problemlərini müalicə etmək üçün yeni üsulların inkişafına kömək edə bilər.

Lent.az xəbər verir ki, alimlərin işinin nəticələri "Nature Communications" jurnalında dərc edilib.

İnsanın əsas tənəffüs mərkəzi "medulla" "oblongata" körpüsündə yerləşir. Bu bölgədəki sinir hüceyrələri müntəzəm olaraq tənəffüsü aktivləşdirən impulslar göndərirlər ki, bu da sakit, hətta dəqiqədə 10-15 dəfə nəfəs alma ritmini təmin edir.

Nəfəs alma ritmi beynin fəaliyyətinə təsir göstərir, xüsusən də müəlliflər tənəffüsdə fasilələrin beynin hipokampusunun fəaliyyətinə təsir etdiyini müəyyən ediblər. Bu sahə yaddaşın formalaşmasından məsuldur.

Geni dəyişdirilmiş siçanlar üzərində aparılan təcrübələrdə (alimlər gəmiricilərin tənəffüs sürətini idarə edə bilirdilər) müəyyən edilib ki, nizamlı nəfəs yaddaşı yaxşılaşdırır, tənəffüsün yavaşlaması isə əks effekt verir.