Kainatda Yer kürəsindən əvvəl həyat olub? - CAVAB

Amerikalı astrofizik Pol Satter məqaləsində kainatda həyatın Böyük Partlayışdan bir neçə saniyə sonra yarandığını bildirib.

Lent.az xarici mətbuata istinadən xəbər verir ki, aparılan araşdırma nəticəsində məlum olub ki, kainatdakı həyat Yer kürəsindən daha qədim ola bilər.

Təxminən 4 milyard il əvvəl planetimizdə həyat yaranıb. Yer üzündə həyat ən azı 3,7 milyard il əvvəl yaranıb. O vaxta qədər mikroskopik orqanizmlər artıq kifayət qədər mürəkkəbləşib və onlar bir çox cəhətdən müasir olanlara bənzəyir. Bu orqanizmlər məlumat saxlamaq üçün DNT-dən, bu məlumatı zülallara çevirmək üçün RNT-dən, ətraf mühitlə qarşılıqlı əlaqədə olmaq və DNT-nin surətlərini çıxarmaq üçün zülallardan istifadə edirlər.

Bildiyimiz kimi həyat hidrogen, oksigen, karbon, azot və fosfora ehtiyac duyur. Böyük Partlayışdan sonra ilk dəqiqələrdə meydana çıxan hidrogendən başqa ulduzların dərinliklərində başqa kimyəvi elementlər də yaranır. Yəni, zəruri elementləri yaradan ən azı bir və ya iki nəsil ulduz varsa, o zaman Kainatın müxtəlif yerlərində Yerə bənzər həyat görünə bilər. \

Beləliklə, həyat 13 milyard ildən çox əvvəl, ilk ulduzların göründüyü vaxt yarana bilərdi. Çox güman ki, bu, Kainatın yaranmasından bir neçə yüz milyon il sonra baş verib.