Dünyanın mümkün apokalipsis ssenarisində sona çatdığı zaman sağ qalacaq ölkələr sıralanıb. Araşdırmaya görə, əhali artımı, qlobal istiləşmə və iqtisadi ziyan qarşısında apokalipsis ssenarisi baş verərsə, yalnız 5 ölkənin sağ qalma ehtimalının olduğu açıqlanıb.
Lent.az xarici KİV-ə istinadən xəbər verir ki, dünyanın dağılması zamanı Yeni Zelandiya, İslandiya, İngiltərə, İrlandiya və Avstraliyanın Tasmaniya əyaləti salamat qalacaq ölkələr sırasındadır.
Yeni Zelandiya bu siyahıda birinci yeri tutur, çünki onun geotermal və hidroelektrik enerjisi, bol kənd təsərrüfatı torpaqları və aşağı əhali sıxlığı var. Tədqiqatçıların fikrincə, mürəkkəb şəbəkələşmiş enerjiyə əsaslanan qlobal iqtisadiyyatın vurduğu ekoloji ziyana görə bəşər sivilizasiyası "təhlükəli vəziyyətdə"dir.
Mütəxəssislər bildiriblər ki, ağır maliyyə böhranı, qlobal istiləşmənin təsiri, təbiətin məhv olması, Covid-19-dan daha pis pandemiya və ya bunların birləşməsi qlobal böhranla nəticələnə bilər. Hansı ölkələrin belə bir çöküşə daha dözümlü olacağını qiymətləndirmək üçün ölkələr öz əhalisi üçün ərzaq yetişdirmək, sərhədlərini arzuolunmaz kütləvi miqrasiyadan qorumaq, elektrik şəbəkələrinə və bəzi istehsal imkanlarına görə sıralanıb.
Birinci yeri mülayim bölgələrdəki və əsasən aşağı əhali sıxlığı olan adalar tutub. O, iqtisadi səmərəliliyi qiymətləndirən qloballaşan cəmiyyətin dayanıqlılığı sarsıtdığını, qida və digər həyati vacib sektorlarda ehtiyat potensialın tapılmalı olduğunu söyləyib.
Milyarderlər Yeni Zellandiyada torpaq alır.
Dərc edilən araşdırmada milyarderlərin qiyamətə hazırlıq məqsədilə Yeni Zelandiyada sığınacaq üçün torpaq aldıqları bildirilib. İngiltərənin Anglia Ruskin Universitetinin Qlobal Davamlılıq İnstitutundan prof. Dr. Aled Cons deyib:
"Yeni Zelandiyanın siyahımızda olması bizi təəccübləndirmir. Biz belə nəticəyə gəldik ki, sərhədləri asanlıqla qorunan və mülayim iqlimi olan bölgələr ən təhlükəsiz yerlərdir. Beləliklə, arxa plana baxdıqda, daha böyük adaların siyahının başında olduğu olduqca aydındır".
Cons davam edib:
"İngiltərənin mümkün fəlakətə qarşı güclü olması bizi çox təəccübləndirdi. Ölkədə sıx əhali yaşayır və ənənəvi olaraq xaricdən istehsal olunur. Hazırda o, öz qidasının yalnız 50 faizini istehsal edir. Lakin onun dünyanın dağılmasına gətirmək potensialı var”.
Sənaye sivilizasiyası bəşər tarixi üçün anormal vəziyyətdir.
Tədqiqat müəllifləri onu da vurğulayıblar ki, dünyanın gələcəyi ətraf mühitin məhv olması, məhdud resurslar və əhalinin artması səbəbindən böyük təhlükə altındadır. Digər tərəfdən, tədqiqatçılar "dəhşətli sosial çöküşlərdən təsirlənməmiş" və buna görə də əhalini saxlaya bilən yerləri "xilasedici qayıqlar" kimi təsvir ediblər.
Cons vurğulayıb:
"Kütləvi qlobal ərzaq itkiləri, maliyyə böhranı və pandemiya son illərdə ardıcıl olaraq baş verdi. Bizim bəxtimiz gətirib ki, bunlar eyni vaxtda baş vermədi. Amma bunların hamısının eyni ildə baş verməməsinin əsl səbəbi yoxdur".
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
