Eyyub Yaqubov solo konsert verəcək

Əməkdar artist Eyyub Yaqubov iyunun 12-si solo konsert verəcək. Lent.az-ın məlumatına görə, “Bakım mənim” adlı gecə “Narşərab" ailəvi istirahət mərkəzində olacaq. Yeni mövsümdə verəcəyi konserti barədə danışan E.Yaqubov bildirib ki, gecədə bu günə kimi repertuarında yer alan ən sevilən mahnılarını ifa etməklə yanaşı, yeni bəstələri də dinləyicilərə təqdim edəcək.

Əməkdar artist Lent.az-a açıqlamasında bildirib ki, sənətinə sayğı duyan hər kəsi solo konsertində görmək istəyir: "Mən tez-tez konsert verən sənətçilərdən deyiləm. Bir çox təşkilatçılar konsert təklifi edirdilər. Əksər hallarda müsbət cavab vermirdim. Amma bu dəfə təşkilatçıların təklifini dəyərləndirib, sənətimi sevənlərlə görüşmək qərarına gəldim. Ona görə də çox istərdim sənətimi sevənlər mənim görüşümə gəlib mahnılarımı dinləsinlər".

Qeyd edək ki, gecənin informasiya dəstəkçisi Lent.az, aparıcısı isə Saleh Bağırovdur.