Yaradıcılıq işlərini Türkiyədə həyata keçirən Azəri Günel Zeynalovadan xəbər var. Lent.az-ın məlumatına görə, müğənninin nişanlısı iş adamı İnanc Başəyməz Azərbaycana gəlib. İfaçı ilk dəfə Bakıda qonaq olan nişanlısı ilə paytaxtın bir çox məkanlarını gəzib. Gəzinti zamanı cütlük tək olmayıb. Müğənninin əmisi oğlu və qardaşı Tunar Rəhmanoğlu da onlarla birgə olub. Günel gəzinti zamanı çəkdirdiyi şəkilləri sosial şəbəkədəki səhifəsinə yerləşdirib.
Qeyd edək ki, Azəri Günel mətbuata açıqlamasında toya hazırlaşdıqlarını demişdi. Xeyir işin yaxın zamanlarda olduğunu söyləyən müğənni toyun dəqiq tarixi barədə bir söz söyləmək istəmədiyini deyib.
Onu da əlavə edək ki, cütlük 2011-ci ildən nişanlıdır.
Həmin şəkilləri təqdim edirik.