Ötən gün Bakıya qayıdan xalq artisti Aygün Kazımovadan xəbər var. Lent.az-a açıqlama verən A.Kazımova bildirib ki, yaradıcılıq işlərində bir çox yeniliklərin şahidi olacağıq:
“Artıq doğma yurdumdayam. Amma bir neçə gün sonra yenidən Türkiyəyə yola düşəcəm. Bildiyiniz kimi orada böyük bir şirkətlə müqaviləm var. Hazırda növbədə olan işim “Coffee from Colombia” adlı albomumun işıq üzü görməsidir. Albom bu ayın 22-si çıxacaq. Orda yer alan mahnılar isə Türkiyənin bütün musiqi kanallarında səslənəcək. Yeni işlərim çoxdur. Sadəcə bir az səbir edib, onları görmək lazımdır”.
Qeyd edək ki, A.Kazımovanın müqavilə bağladığı şirkət “DMC Dogan Music Company”dir. Həmin şirkətlə Türkiyənin bir çox tanınmış sənətçiləri çalışır.
Yalçın Süleymanov
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
