Bir zamanlar yaxın dost olmuş Aygün Kazımova və Nadir Qafarzadənin daha sonra bir-birinə düşmən kəsilməsi heç kimə sirr deyil. Hətta verilişlərdən birində Nadir Qafarzadə deyib ki, Aygün Kazımova onun adını çəkmək istəmir. Lent. az-ın məlumatına görə, bu barədə “Pərdə” verilişində prodüser Tolik (Tarix Əliyev) də danışıb. Tolik Aygünün Nadirə qarşı kinli olmadığını iddia edib.“Pərdə” verilişində Aygün Kazımova əlində oyuncaq tutaraq şən əhval-ruhiyyə ilə Nadir Qafarzadə ilə bağlı sualı cavablandırıb: “bilmirəm bütün bunlar Nadirin ürəyinin təmizliyindəndir ya mənə olan böyük sevgisindəndi?! Amma danışanda səhv buraxma, yaxşı? İstəsə lap konsertimə də gəlsin, səhnəyə də çıxsın, gül versin, kameralar da çəksin. Qurbandır mənim kameralarım ona” deyərək mesajını göndərib.
A. Kazımovanın ismarışları bununla bitməyib. O, tez-tez küsüb- barışdığı Faiq Ağayevdən də danışıb: “Bu günlərdə ad günü məclisində idim. Bunu Faiq balaca bir qız üçün təşkil etmişdi. Mən də yarım saat ərzində orda iştirak etdim. Bütün mahnılarımı Faiq üçün oxudum. Faiq mənim yaxın dostumdur, onu çox istəyirəm. Biz illərin sınağından keçən dostlarıq. Bir sözlə Faiq mənim üçün əvəzolunmazdır”.