“Recep İvedik”in Azərbaycanla bağlı səhnəsi qalmaqal yaratdı - <span style="color:red;">VİDEO
16 yanvar 2017 23:30 (UTC +04:00)

“Recep İvedik”in Azərbaycanla bağlı səhnəsi qalmaqal yaratdı - VİDEO

Türkiyədə yayımlanacaq “Recep İvedik 5” filminin treylerindəki boks səhnəsi müzakirəyə səbəb olub.

 

 

Lent.az-ın məlumatına görə, fevralın 17-də ekranlara çıxacaq filmdə azərbaycanlı boksçu ilə bağlı səhnə hiddət yaradıb.

 

Türkiyənin “Hürriyyət” qəzetinə açıqlama verən Girəsun Universitetinin əməkdaşı, professor Aygün Attar bildirib ki, treylerdə Türkiyə-Azərbaycan münasibətlərinin məzmununa uyğun olmayan səhnələr var.

 

Treylerdə əks olunan səhnə isə belədir: Boks yarışında Azərbaycan və Türkiyə boksçuları qarşılaşır. Sinəsində Azərbaycan bayrağı olan “idmançı” “mən səninlə cəng etməyə gəlmişəm” deyə türkiyəli “idmançı”ya qəzəblə hücum edir. Türk “idmançı” (Recep İvedik) “Mən də sənin ağız-burnunu qırmağa gəlmişəm” deyib, yumruğu digər aktyorun sinəsindəki Azərbaycan bayrağının üstünə vurur. Azərbaycan türkünü təmsil edən “idmançı” isə yerə sərilir.

 

Aygün Attar hesab edir ki, bu səhnə “adi komediya deyil, insanları güldürmək üçün hazırlanmayıb”.

 

 O,  Şahan Gökbaharı “ucuz üsullarla “komediya” yaratmaqda” ittiham edib.

 

“Ətrafda bu qədər rəqib ölkə varkən, sırf zarafat olsun deyə iki qardaş ölkəni qarşılaşdıran zehniyyət bu halın zarafatının belə yaxşı olmadığını anlamalıdır” deyə A. Attar əlavə edib: “Nəinki Azərbaycanın, dünyanın heç bir ölkəsinin bayrağına komediya olsun deyə yumruq vurmaq qəbuledilməzdir”. 

 

Şahan Gökbahar isə sosial şəbəkədə buna münasibət bildirib və "biz üzmək üçün yox, güldürmək üçün varıq" deyə qeyd edib: "Bizdə qardaş ölkəmizə yanlış olmaz".  

 

 

# 221
avatar

Oxşar yazılar