Türkiyəli aktyor Özgür Özberk piyada keçidindən sürətlə keçən sürücüyə xəbərdarlıq etdiyi üçün döyüldüyünü iddia edib.
Lent.az xarici KİV-ə istinadən xəbər verir ki, xərəyə uzanarkən boyunbağı ilə çəkdirdiyi selfini sosial şəbəkədə paylaşan Özberk yaşadıqlarını belə izah edib:
“Piyada keçidinə sürətlə girən avtomobilə “Bax qardaşım” dediyim üçün döyüldüm. Məni yerdə təpiklədilər, başımı səkiyə vurdular. And içirəm ki, biz bu ölkədə təsadüfən yaşayırıq. Problem Suriya və ya Əfqanıstan problemi deyil, vicdan problemidir. Mən yaxşıyam, amma bu ölkədə gündəlik boşboğazlıqlardan bezmişəm. Siz olun, gözlərinizi yumun və lazımsız mübahisələrə girməyin”.