Barışan məşhur müğənnilər bunu da etdilər

Bir müddət öncə Əməkdar artist, müğənni Lalə Məmmədovanın Xalq artisti Brilliant Dadaşova ilə barışması olay olmuşdu.

Belə ki, Lalə xanım Brilliant xanımın ad gününə sürpriz qonaq kimi gəlmiş, lakin media Brilliant xanımın onu soyuq qarşıladığını yazmışdı. Hətta sosial şəbəkələrdə Brilliant xanımı buna görə qınamışdılar da.

Lent.az-ın xəbərinə görə, dünən prodüser Tamilla Hüseynəliyeva hər iki müğənninin bir yerdə çəkilmiş fotolarını paylaşaraq, bu söz-söhbətə son qoyub.

Lalə Məmmədova da qatıldığı teleproqramların birində insanların onları yanlış anladıqlarını bildirib.

“Brilliant xanım məndən kiçik bir məsləyə görə incimişdi. Haqlıydı. İllərlə boş yerə küsülü qaldıq. Yaxşı ki, onunla barışdım. Ölümlü dünyadır, Brilliant xanımla küsülü ölmək istəməzdim. O məni soyuq qarşılamadı. Həmin gün güldük, danışdıq, rəqs etdik. Mediada çəkilib paylananlar sadəcə kiçik bir hissə idi. Brilliant xanım haqqında xoş rəylər yazılmamasına üzüldüm”, - o bildirib.

Qeyd edək ki, plastik əməliyyatlardan sonra Lalə Məmmədovanın həddən artıq dəyişməsi də nəzərlərdən qaçmayıb.