İlhamə Quliyeva türklərin qarşısında şərt qoyub

Bu barədə Lent.az-a müğənnin mətbuat katibi Faiq Ələkbərli məlumat verib.

Faiq Ələkbərli deyib ki, səfər zamanı Quliyeva dahi bəstəkar Üzeyir Hacıbəylinin əsərlərindən ibarət diski, həmçinin Azərbaycanın xalq və bəstəkar mahnılarından ibarət “Min bir mahnı” adlı albomu İstanbul Azərbaycanlıları Kültür və Sənət Mərkəzinə təqdim edib.

Səfər çərçivəsində “TMB” kanalı müğənniyə hədiyyə klip çəkib. Klip sözləri Cəlal Qurbanova, musiqisi Gövhər Həsənzadəyə aid olan “Durnalar” mahnısına çəkilib. Ssenariyə əsasən, klip İstanbulun bir sıra qədim məkanlarında və digər yerlərdə çəkilməli imiş. Lakin İlhamə xanım dənizi çox sevdiyi üçün çəkilişlərin sırf dəniz kənarında aparılmasını istəyib. İstək nəzərə alınaraq klip İstanbulda dənizkənarında lentə alınıb: “Bundan əlavə, İlhamə Quliyeva Türkiyədə konsert üçün bir sıra təkliflər alıb, zamanla bu konsert proqramlarını gerçəkləşdirəcək”.

Lalə Yusifqızı