Bakı Ağır Cinayətlər Məhkəməsində Teymur Qulubəyovun cinayət işi üzrə məhkəmə prosesi keçirilib.
Lent.az xəbər verir ki, hakim Telman Hüseynovun sədrliyi ilə keçirilən prosesə T. Qulubəyov onlayn qoşulub.
Dövlət ittihamçısı ittiham aktını elan edib. Təqsirləndirilən T. Qulubəyov özünü təqsirli bilmədiyini deyib:
"Bu adam mənimlə düz-çörək kəsib. Adamı belə öldürərlər ki? Mən onu öldürmək niyyətində olmamışam, istəsəydim öldürərdim".
Zərərçəkən Əlövsət Səfərov həmin günü Qulubəyovla birlikdə yemək yediklərini deyib:
"Birlikdə oturub yeyib-içirdik. O, birdən özündən çıxdı və stolun üstündəki bıçağı götürüb üstümə cumdu. Kəsdiyimiz duz-çörəyin xatirinə mən onun həbs olunmasını istəmirəm. Onun həbs olunmadan cəzalandırılmasını istəyirəm".
Növbəti məhkəmə prosesi 10 dekabr saat 12:00-a təyin edilib.
Xatırladaq ki, 2024-cü ilin oktyabr ayının 12-də saat 18 radələrində Bakının Yasamal rayonu ərazisində 1960-ci il təvəllüdlü Əlövsət Səfərova kəsici alətlə xəsarətlər yetirməkdə şübhəli bilinən 1967-ci təvəllüdlü Teymur Qulubəyov polis əməkdaşlarının keçirdikləri tədbirlərlə müəyyən olunaraq saxlanılıb. Ona qarşı Cinayət Məcəlləsinin 126.1 maddəsi (Qəsdən sağlamlığa ağır zərər vurma) ilə ittiham irəli sürülüb.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
