“Azərpoçt”a 1 milyon dollar qrant ayrılacaq
28 oktyabr 2010 15:07 (UTC +04:00)

“Azərpoçt”a 1 milyon dollar qrant ayrılacaq

İsveçrənin İqtisadi Münasibətlər üzrə Dövlət Katibliyi (SECO) Azərbaycanın milli poçt operatoru “Azərpoçt” MMC-yə bank-maliyyə xidmətlərinin təqdim olunması ilə əlaqədar texniki dəstəyin göstərilməsinə hazırlaşır.

Rabitə və İnformasiya Texnologiyaları Nazirliyinin mətbuat xidmətinin rəhbəri Müşfiq Əmirovun Lent.az-a verdiyi məlumata görə, Katiblik artıq bu məqsədlərlə 1 milyon dollar məbləğində qrantın təqdim olunmasına dair öhdəliyi öz üzərinə götürüb.

Texniki layihənin proqramında operatorun poçt bank sisteminə transformasiyası ilə bağlı strateji planlaşdırılmasına dəstək göstərilməsi, mərkəzi və regional (rayon) ofislərdə çalışan kadrların potensialının artırılması, eləcə də bank-maliyyə xidmətlərinin təqdim olunması ilə bağlı “Azərpoçt” MMC-nin rebrendinqi nəzərdə tutulur.
# 602

Oxşar yazılar