“Azercell Maksimum Gənc” abunəçilərinə şad xəbər - FOTO

Bu gün “Azercell Maximum Gənc” və “Əli və Nino” kitab dükanları şəbəkəsinin “Book Club” adlanan yeni layihəsinin təqdimatı keçirilib.
Lent.az-ın verdiyi məlumata görə, layihənin məqsədi gənclərin diqqətini Azərbaycan ədəbiyyatına cəlb etmək, eləcə də yeni nəsildə kitab oxumağa həvəsi artırmaqdır.
Təqdimatda çıxış edən “Azercell”in Korporativ Ünsiyyət və Sosial Məsuliyyət bölümünün rəhbəri Ülviyyə Həsənzadə belə layihələrin vacib olduğunu vurğulayıb: “Azərbaycan gənclərinin ədəbiyyata marağını artırmaq məqsədi daşıyan bu layihəyə dəstək verməyimizdən çox məmnunuq. Layihə maraq artıqda daha geniş şəkildə inkişaf etdiriləcək və daha çox sayda oxucular arasında həyata keçiriləcək”.
Qeyd edək ki, bu layihə 4 ay ərzində “Azercell Maksimum Gənc” abunəçiləri üçün həyata keçiriləcək. 120 kitabsevər gənc seçilib, 4 qrupa bölünəcək. Kitabsevərlər onlara pulsuz təqdim olunan kitabları 1 ay ərzində oxuyacaq, daha sonra isə yenidən toplaşaraq birlikdə onu müzakirə edəcəklər. Təqdim olunan kitablar müasir Azərbaycan ədəbiyyatının nümunələri olacaq.
Müzakirələr sərbəst şəraitdə aparılacaq, hər gənc özünün ədəbi diskussiya etmək qabiliyyətini göstərə biləcək. Layihənin sonunda ədəbi diskussiyalarda ən bacarıqlı iştirakçıya hədiyyələr veriləcək.

Layihə çərçivəsində 500-ə qədər pulsuz kitab paylanacaq.