Elman Rüstəmov inflyasiyadan danışdı
14 sentyabr 2010 18:11 (UTC +04:00)

Elman Rüstəmov inflyasiyadan danışdı

“Ötən il Azərbaycanda inflyasiya 2-3 faiz olub. Hazırda isə orta inlyasiya 5 faizdir və bu, başlıca olaraq xarici amillərdən qaynaqlanır”.

Lent.az-ın məlumatına görə, Azərbaycan Mərkəzi Bankının sədri Elman Rüstəmov jurnalistlərə açıqlamasında belə deyib. O qeyd edib ki, son vaxtlar Azərbaycanda bir sıra ərzaq məhsullarının, xüsusin də taxıl məhsullarının qiyməti qalxıb. Onun sözlərinə görə, hazırda istehlak səbətində taxılın xüsusi çəkisi 26 faizdir.

Elman Rüstəmov inflyasiyanın artmasının əsas səbəbini taxıl məhsullarının bahalaşması ilə əlaqələndirib. O, həmçinin əlavə edib ki, hazırda Azərbaycanda tələb inflyasiyası yoxdur. Təklif inflyasiyası isə xaricdən bir sıra məhsullar gətirildiyi üçün yüksəkdir.

Mərkəzi Bankın sədri inflyasiyanın ikirəqəmli həddə çatmaması üçün ciddi çalışacaqlarını söyləyib.

Elxan SALAHOV
# 498

Oxşar yazılar