"Bakı"nın sabiq üzvü Ruslan Leviqa ağır avtomobil qəzasına düşüb. Lent.az-ın sportnet.az-a istinadən verdiyi məlumata görə, "zolaqlılar"a məhkəmədə qalib gələn Ukrayna millisinin keçmiş futbolçusu daha bir nəfərin ölümünə səbəb olub.
"Bakı"dan 51 min dollarını məhkəmə vasitəsi ilə alan Leviqanın avtomobilinin Poltava şəhəri yaxınlığında qəzaya uğraması nəticəsində xəsarət alan Ukrayna yığmasının daha bir sabiq futbolçusu - Sergey Zakarlyuk hadisə yerində dünyasını dəyişib.
Dərhal əməliyyat olunan "Naftovik"in üzvü hazırda xəstəxanadadır, Zakarlyukun isə həyatını xilas etmək mümkün olmayıb.
Qeyd edək ki, Sergey Zakatlyuk 2002-2004-cü illərdə Ukrayna millisində 9 oyunda forma geyinib. Ölkəsinin məşhur klublarında - Kiev "Arsenal"ı, "Dnepr", "Şaxtyor", "İliçeveç", "Metallurq", "Vorskla" və "Poltava"da oynayıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
