III Qəbələ Kubokunun keçirilmə vaxtı dəqiqləşib. Lent.az-ın “Qəbələ” klubunun rəsmi saytına istinadən məlumatına görə, 15 yaşadək futbolçulardan ibarət komandalar arasında keçiriləcək turnirə mayın 29-da start veriləcək.
İyunun 1-dək davam edəcək yarış elə Qəbələdə baş tutacaq. Komandalar ölkəmizə mayın 28-də gələcək, iyunun 2-də isə Azərbaycanı tərk edəcəklər. Turnirin bu tarixə salınmasının başlıca səbəblərindən biri mayın əvvəllərində əksər ölkələrdə çempionatların final mərhələlərinin keçirilməsidir. Komandaların turnirdə iştirakını təmin etmək məqsədilə bu amil diqqətə alınıb.
Turnirin iyunda keçirilməməsinin səbəbləri isə sözügedən ayın 12-də Dünya çempionatının start götürməsi (həmin müddətdə bütün media və azarkeşlərin diqqəti Dünya Çempionatına yönəlir) və yay fəslinin ilk ayında Qəbələdə turizm mövsümünün açılması ilə bağlıdır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
