“Qalatasaray” yarımmüdafiəçisindən ayrıldı

“Qalatasaray” təcrübəli yarımmüdafiəçisi Engin Baytarı “Rizəspor”a göndərib. Apasport.az Türkiyə mətbuatına istinadən xəbər verir ki, 30 yaşlı futbolçu cari mövsümün sonuna qədər yeni komandasında icarə əsasında çıxış edəcək.

Məlumatlara görə Engin sabah Qara dəniz təmsilçisi ilə Antalyadakı təlim-məşq toplanışına yollanacaq.

Qeyd edək ki, futbolçu 2011-ci ildə “Trabzonspor”dan İstanbul klubuna keçib.