Kriştiano Ronaldonun transfer qiyməti karyerasının ən aşağı səviyyəsinə düşüb.
Lent.az xəbər verir ki, transfermarkt ulduz oyunçunun bazar dəyərini yeniləyib. Ronaldonun qiyməti 3 milyon avro aşağı salınıb. İndi 2025-ci ilin fevralında 40 yaşı tamam olacaq "Əl-Nəsr"in hücumçusu 12 milyon avro dəyərində qiymətləndirilir. Bu, beşqat “Qızıl top” sahibinin karyerasında ən aşağı göstəricidir.
39 yaşlı portuqaliyalı artıq Səudiyyə Ərəbistanının ən bahalı oyunçuları onluğuna daxil deyil. Birinci yeri “Əl-İttihad”ın fransalı yarımmüdafiəçisi Mussa Diabi (35 milyon) tutur.
Bu mövsüm Ronaldo "Əl-Nəsr"in heyətində bütün turnirlərdə 19 oyun keçirib, 16 qol vurub və 3 məhsuldar ötürmə edib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
