Ronaldonun “Əl-Nəsr”dən getmək istəyinin səbəbi AÇIQLANDI

Portuqaliyalı hücumçu Kriştianu Ronaldonun Səudiyyə Ərəbistanının "Əl-Nəsr" klubunu tərk edə bilməsinin səbəbi açıqlanıb.

Lent.az bildirir ki, bu barədə “Mundo Deportivo” məlumat yayıb.

Nəşrin məlumatına görə, hücumçu “müasir cəmiyyətdən uzaq” hesab etdiyi Səudiyyə Ərəbistanının infrastrukturundan narazıdır. Portuqaliyalının məqsədinin Avropadakı klublara qayıtmaqdır.

Ronaldonun klubdan ayrılmaq istəyi ilk dəfə mayın 1-də məlum olub. Bildirilib ki, 38 yaşlı idmançının kluba uyğunlaşması dil baryeri və ölkədəki həyatın xüsusiyyətlərinə görə çətinləşir.

Portuqaliyalı 2022-ci il dekabrın 30-da "Əl Nəsr"ə keçib. Hücumçunun müqaviləsi iki illikdir. Onun klubdakı maaşı ildə 200 milyon avrodur ki, bu da onu dünyanın ən çox maaş alan idmançısı edir.