Dortmund "Borussiya"sının yarımmüdafiəçisi Cud Bellinqhem "Real"la müqaviləsinin bütün detalları ilə bağlı razılığa gəlib.
Lent.az-ın xarici mediaya istinadən məlumatına görə, bu barədə insayder Fabrisio Romano özünün “Twitter” səhifəsində yazıb.
Mənbənin məlumatına görə, ingilis futbolçu 10 gün əvvəl Madrid klubunun bütün şərtlərini qəbul edib və səbirsizliklə “Real”a keçməyi gözləyir. İspaniya klubunun nümayəndələrinin may ayında “Borussiya” rəhbərliyi ilə görüşərək təzminatın yekun məbləğini və transferin yekun şərtlərini təsdiqləyəcəyi gözlənilir.
19 yaşlı Bellinqhem bu mövsüm "Borussiya"nın heyətində oynadığı 41 oyunda 13 qol vurub və 9 məhsuldar ötürmə edib. “Transfermarkt” yarımmüdafiəçini 120 milyon avro dəyərində qiymətləndirir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
