Qurban Qurbanov dünya çempionu oldu

Azərbaycan güləşçisi Qurban Qurbanov İspaniyanın Pontevedra şəhərində keçirilən U-23 dünya çempionatının qalibi olub.

Lent.az Apasport.az saytına istinadən xəbər verir ki, 72 kq çəkidə çıxış edən idmançı finalda xorvatiyalı Pavel Puklaveçlə üz-üzə gəlib.

Görüşün əvvəlindən təşəbbüsə yiyələnən Qurban sonadək üstünlüyünü qoruyub və 8:2 hesablı qələbəylə dünya çempionu tituluna yiyələnib.

Digər güləşçimiz Nihat Məmmədli (60 kq) isə finalda türkiyəli Kerem Kamala məğlub olaraq (0:8) gümüş medal qazanıb.

Beləliklə, dünya çempionatına 6 idmançıyla yollanan yunan-Roma güləşi üzrə milli mundialı 1 qızıl və 2 gümüş medalla başa vurub.

2919