Millinin ən yaxşı bombardiri karyerasını bitirdi

Slovakiya millisinin keçmiş futbolçusu və bombardiri Marek Hamşik idmançı karyerasını başa vurub.

“Bu, heyrətamiz 19 illik peşəkar karyera idi, klub səviyyəsində 700-dən çox oyun, Slovakiya üçün demək olar ki, 140 oyun, çoxlu vurulan qollar. Mən balaca uşaq olanda ən yüksək səviyyədə uğurlu futbolçu karyeram olacağını xəyal edə bilirdim və bu arzumu həyata keçirdim”, - Lent.az-ın xarici mediaya istinadla xəbərinə görə, 35 yaşlı yarımmüdafiəçi sosial şəbəkədəki paylaşımda yazıb.

Qamşikin sözlərinə görə, futbol onun sevgisi, həvəsi, bütün gücünü verdiyi iş idi. Futbolçu çıxış etdiyi klublara təşəkkür edib. Karyerası boyunca slovakiyalı futbolçu Slovakiyanın “Slovan”, İtaliyanın “Breşiya” və “Napoli” klublarında çıxış edib və bu komandalarda 520 oyun keçirib və rekordçu olub.

Futbolçu Çinin “Dalyan”, İsveçin “Göteborq” və Türkiyənin “Trabzonspor” klublarında da çıxış edib.

Milli komandanın heyətində 136 oyun keçirən futbolçu 26 qol vuraraq milli komandanın tarixinin bombardiri olub.