"Liverpul"un futbolçuları baş məşqçi Yurgen Kloppun klubdan getmək niyyətində olduğunu açıqlamasından şoka düşüblər.
Lent.az-ın xəbərinə görə, bu barədə “The Telegraph”ın jurnalisti Kris Baskomb yazır.
“Klopp niyyətini noyabr ayında “Liverpul” rəhbərliyinə bildirsə də, futbolçulara yalnız dünən səhər məlumat verilib. Təbii ki, onlar da azarkeşlər və bütün futbol dünyası kimi şokdadırlar”, - Baskomb bildirib.
Klopp məşqçilik karyerasına “Maynts”da başlayıb, daha sonra 7 il Dortmund “Borussiya”sında çalışıb və 2015-ci ildən “Liverpul”a rəhbərlik edir. “Qırmızılar”la Premyer Liqa, İngiltərə Kuboku, Liqa Kuboku, ölkə Super Kuboku, Çempionlar Liqası, UEFA Super Kuboku və Klublararası Dünya Kubokunun qalibi olub. Alman mütəxəssis daha iki dəfə “Liverpul”u Çempionlar Liqasının finalına çıxarıb, 2016-cı ildə isə Avropa Liqasının finalına yüksəlib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
