İtaliya millisi yeni dünya rekorduna imza atıb.
Lent.az Apasport.az saytına istinadən xəbər verir ki, Roberto Mançininin yetirmələri məğlubiyyətsiz oyunlar seriyasını 36-ya çatdırıb.
Bu, DÇ-2022-nin V turunun İsveçrə ilə matçında rəsmiləşib. Qolsuz heç-heçə apenninlilərin uduzmadığı 36-cı qarşılaşma olub.
Sonuncu dəfə 2018-ci ildə Millətlər Liqasında Portuqaliyaya 0:1 hesabı ilə uduzan Mançininin komandası Braziliya və İspaniyanın şərik olduğu dünya rekordunu arxada qoyub. Cənubi amerikalılar 1993-96, ispaniyalılar isə 2007-09-cu illərdə ardıcıl 35 oyunda məğlub olmayıb.
Qeyd edək ki, İtaliya bu müddətdə AVRO-2020-nin çempionu olub.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
